ماذا قال المشاركون عن مقابلات تدريب إعداد المدربينTOT
“الفرص قليلة والإحباط سيد الموقف بحياتنا كشباب وطلبة جامعيين، لكن بكل خطوة وسعي كان فيه أمل جديد، الفرص دايمًا أكبر وأوسع مع كل خطوة كنا بنقضيها مع المنتدى، فرصة تدريب إعداد المدربين بتفتح طرق عالعلم والعمل وع مجالاتنا المختلفة نادرة ونوعية كان صعب غيرنا يوصللها لكن المنتدى سخرلنا ياها وثق فينا من اللحظة الأولى اللي حمسنا لأهميتها واستحقاقنا للحصول عليها بهاي المرحلة”
- بسمة الكرد، تشينج 3
“أنا شاب مبادر و ناشط على مواقع السوشل ميديا، تدربت كتير في مجالي و كنت محتاجة فرصة او بداية للأنطلاق، شفت اعلان المنتدى الاجتماعي حول موضوع٫ اعداد مدربين، الاشي ابسطني كتير و كنت مستنيه من زمان فا اتشجعت و جهزت نفسي و قدمت عليه لانو الدورة هيا اهم اشي كنت محتاجوا في فترتي الحالية وبتمنى كتير إني انقبل فيها لأطلق نفسي و موهبتي وأبينها للناس”
- محمد أبو حصيرة، تشينج 1
“التحضير لدورة إعداد مدربين كانت مميزة لأنه خلتني على مدار يومين بس أقرأ وأجمع معلومات للمقابلة وأحللها أكثر لأنه أهم اشي أقنع لجنة التحكيم وبس فتت المقابلة كنت متحمسة جداً لأعطي يلي حضرته وأكون من ضمن الناس يلي يقع عليها الاختيار وركزت على كل الجوانب لغة الجسد المحتوى يلي بقدمه الاستماع الفعال عشان أجاوب صح فعلاً نقلة نوعية ومهمة بالنسبة اللي”
- هديل حمودة، تشينج 2
“تجربة مميزة وفريدة أني أكون عضو مراقب في لجنة المقابلات لأنه عادة ما أكون في مكان الشباب التي تم مقابلتهم ولكن كنتُ انا جزء من هذه اللجنة. وبمشاركتي في عملية التقييم والاختيار استطعت أن أعرف نقاط الضعف والقوة عند الشباب. كنت على اطلاع بما يتم أخذه بعين الاعتبار من جهة اللجنة التي لم تكن تركز فقط على الجانب المعرفي للشباب بل كانت تأخذ بعين الاعتبار الجانب الشخصي للشباب فإن كلاهما لا يقل أهميتها عن الأخرى.”
- أسيل فتحية، لجنة شباب المنتدى
“في مقابلة تدريب إعداد مدرب (TOT) كانت مختلفة عن كل المقابلات الي خضتها بحياتي، مقابلة على شكل محاكاة حقيقية لتدريب، قدمت تدريب عن المبادرات المجتمعية قدام اللجنة وبكل ثقة قدرت أناقش اللجنة، من زمان بحلم اكون مدرب وبتمنى تكون هي بداية الطربق!”
- عبد الحكيم عوض، تشينج 3
“المنتدى بعطينا فرص أنه نثبت حالنا ونخوض تجارب جديدة، وهالفرصة جداً رائعة إني أبدأ كمشتركة ومع التدريب وبناء قدراتي أصير مدربة وأنقل المعرفة اللي اكتسبتها ضمن برامج المنتدى لأقراني وأكون من الشباب القادرين يقودوا التغيير، ما في أحلى من هيك تجربة”
- هيا الجاروشة، تشينج 3