ماذا قال مشاركين الموسم الرابع من البرنامج الشبابي Yalla Change عن التدريب؟

“قبل أن تصبح قائدًا، عليك النجاح في كل شيء يعمل على إنماء ذاتك” مقولة بآمن فيها كتير ك “لمى” وبسعي أطبقها وجدٍا ممتنة ليلا تشينج إلي فتحلي آفاق كبيرة لأنمي ذاتي، وأكون إنسان فعّال بمجتمعي وزاد من إدراكي لمعنى المناصرة والمبادرة والمساءلة وكتير من القضايا المجتمعية الي بتهمنا كشباب .  حب كبير ليلا تشينج وتدريباته وناسه وكل شي فيه?”
لما الزطمة

“أكيد بما إني كفيف بأحب الاندماج بالمجتمع ويلا تشينج وفر الي هاي الفرصة وكمان خلال التدريب عرفوني على مفاهيم كتيره ماكنت بعرفها متل المسائلة المجتمعية والفرق بين المبادرة والمناصرة كمان كيف اكون قائد تغيير كل الشكر للمنتدى الي أتاح لي هالفرصة”.
محمد النجار 

“عشان نطالب بحقوقنا لازم يكون عنا معرفة عن شو هي حقوقنا؟ وكيف ممكن نطالب فيها بالطرق الصحيحة؟ يلا تشينج اعطاني وعي كبير عن حقوقي الي كنت أجهل البعض منها وأسس عندي قاعدة معرفية كبيرة عن المواطنة وحملات المناصرة والمبادرة وكيفية التخطيط والتنفيذ الهم عشان أقدر أوصل للهدف المراد تحقيقه”.
رولا حرز

“التدريب من أجمل التدريبات الي شاركت فيها بصراحة عجبني فيها التنظيم والترتيب والادارة، وأيضاً من جانب المادة التدريبية كانت مفيدة واستدفت منها، وعجبني وجود أكثر من مدرب داخل القاعة بيتقاسموا المواضيع بشكل منظم ومخطط، هادا الاشي كان بالنسبة الي اشي حلو لأنو كنت أحس نفسياً انو الطاقة بتتجدد عندي والذاكرة بتتنشط، استفدت كتير وتعلمت كتير شكراً بجد يلا تشينج ??”.
حسام العيسوي

“التدريب عن نفسي عمل على تغيير بعض المفاهيم والمصطلحات يلي كانت بالنسبة إلي بديهيات أو مسلّمات مش مستعدة أخوض أو أناقش فيها، وهاد الاشي خلاني أوعى ومتفتحة أكتر لكل مصطلح بسمعو وما أسلم ع طول وأناقش في مدى صحتو، ولقيت هاد الاشي أثر على رأيي في القضايا الأخيرة وطريقة تفاعلي معها، تجربة هاد التدريب ممكن تكون نقطة تحول فكرية”.
داليا شحادة

“التدريب غيرلي كثير مفاهيم وخلاني اتعمق بمفاهيم ثانية كان عندي لبس فيها وكنت مغيب تماما عن قصة دور الشباب في الانتخابات او مراكز صنع القرار والمسائلة للمسؤولين لكن بعد التدريب صرت متشجع استغل كل لقاء بيكون فيه مسئول اراجعه بهيك شغلة مشان اعرف أكثر عن الموضوع وبتمنى بالايام الجاية اكون ضمن مبادرة او مناصرة لهيك قضية لاني هكون فخور فهيك اشي هعمله وغير تغيير المفاهيم الي عمله الي التدريب جدد طاقتي في المشاركة بالمبادرات وطاقتي فالنقاش وتقبل الرأي وللاختلاف المتواجد عند كل شخص بجد فرصة عظيمة جدا إني صرت عضو بعيلة المنتدى وبعيلة يلا تشينج وفخور بكل لحظة قضيتها معكم وكل لحظة لسا هنقضيها سوا “.
محمد أبو عودة